सहिद भीमनारायण गोल्डकप : विर्तामोड यूनाइटेड क्लव सेमिफाइनल प्रवेश

धनकुटा । धनकुटामा जारी सहिद भीमनारायण गोल्डकप फुटवल प्रतियोगिताको १७ औं संस्करण अन्तर्गत आज भएको खेलमा साविक विजेता विर्तामोड यूनाइटेड क्लव झापा सेमिफाइनल प्रवेश गरेको छ ।

बिर्तामोडले गत बैशाखमा सम्पन्न १६ औं संस्करणको भीमनारायण गोल्डकपको उपाधि चुमेको थियो । १७ औं संस्करणमा पनि आफ्नो पहिलो खेलमा शानदार खेल प्रस्तुत गर्दै बिर्तामोडले विजयी सुरुवात गरेको हो ।

धनकुटा सदरमुकामको तल्लो टुडिखेलमा भएको निक्कै प्रतिष्पर्धात्मक खेलमा विर्तामोड यूनाइटेड क्लव झापाले चित्लाङ फुटवल क्लव काठमाडौँलाई ३–१ गोलले पराजित गर्दै सेमिफाइलन प्रवेश गरेको छ । झापाका लागि खेलको ४४ औं मिनेटमा अभिसेक गुरुङ, ५६ औं मिनेटमा विशाल भण्डारी र ६२ औं किल्सन कन्दवाले गोल गरे ।

पराजित टिम चित्लाङ फुटवल क्लव काठमाडौँको तर्फबाट खेलको ६८ औं मिनेटमा डोकुले सान्त्वना गोल फर्काएका थिए । खेलको म्यानअफद म्याच विजेता टिमका कप्तान किल्सन कन्दवा घोषित हुनुभयो । उहाँले ५ हजार नगद पनि पाएका छन् ।

भोलीको खेल सशस्त्र प्रहरीको एपिएफ क्लव काठमाडौँ र बेलवारी फुटवल क्लब मोरङबीच हुने प्रचार प्रसार समितिका संयोजक विदुर खवासले जानकारी दिए ।