मुना पाण्डेको हत्यामा संलग्नको तस्विर सार्वजनिक

काठमाडौं । प्रहरीले अमेरिकामा हत्या भएकी नेपाली युवती मुना पाण्डेमाथि गोली चलाउनेको तस्बिर सार्वजनिक गरेको छ ।

अमेरिकाको टेक्सस शहरमा अध्ययनरत भोजपुर घर भएकी २१ वर्षीया मुना पाण्डेको टेक्ससस्थित ह्युस्टनको एक अपार्टमेन्टमा गोली हानी हत्या भएको थियो ।

नेप्योर्कका अनुसार पाण्डेको हत्याका अभियुक्तको पहिचान भने खुल्न सकेको छैन् । सीसीटिभी फुटेजअनुसार मुना मृत भेटिएको स्थानमा अभियुक्त अगस्ट २४ को बेलुका ९ बजेर ४८ मिनेटमा देखिएका छन् । संदिग्धसँग प्रहरीले बयान लिए पनि अभियोगहरु लगाइसकेको छैन ।

प्रहरीले ती व्यक्ति को हुन् भन्ने पहिचान नभइसकेको बताएको छ । यद्यपि मुना प्रेम सम्बन्धमा रहेको भनिएको अमेरिकी युवक ती अभियुक्त नरहेको पनि प्रहरीलाई बताएका छ । प्रहरीले अभियुक्त पहिचानका लागि समुदायको सहयोग मागेको छ । चिन्ने र देख्ने व्यक्तिहरूलाई प्रहरीमा खबर गर्न भनेका छन् ।

प्रहरीले अभियुक्त पहिचानका लागि चिन्ने र देख्ने व्यक्तिहरूलाई प्रहरीमा खबर गर्न आग्रह गरेको छ । मुना सन् २०२१ मा अध्ययनका लागि अमेरिका गएकी थिइन् ।