कलभर्ट छेउमा मृत भेटिए महोत्तरीका वडाध्यक्ष मुकेश यादव

महोत्तरी । महोत्तरी रामगोपालपुर नगरपालिका -२ का अध्यक्ष मुकेश यादव मृत अवस्थामा आइतबार बिहान भेटिएका छन् ।

जिल्ला प्रहरी कार्यालय महोत्तरीका प्रवक्ता डिएसपी सन्तुलाल जयसवारका अनुसार जलेश्वर बर्दिवास सडकखण्डको बर्दिवास नगरपालिका -८ स्थित कलभर्ट छेउमा आज बिहान उनी मृत फेला परेका हुन् ।

उनी सवार लु.प्रदेश ०१-००१ प ६३६२ नम्बरको मोटरसाइकल सडकछेउ र यादव सडकभन्दा तल मृत अवस्थामा भेटिएको हो । उनी नेकपा माओवादीबाट वडाध्यक्षमा निर्वाचित भएका थिए ।

डिएसपी जयसवारका अनुसार मोटरसाइकल कलभर्टमा ठोक्किएर दुर्घटना भएको जस्तो देखिन्छ । तर, घटनाबारे थप खुलिसकेको छैन । अनुसन्धान गरिरहेको प्रहरीले जनाएको छ ।