एमालेका प्रभावशाली नेता गिरी एकीकृत समाजवादीमा प्रवेश

झापा । नेकपा एमाले झापा जिल्ला नेता तथा हल्दिबारी गाउँ पालिकाका निवर्तमान उपाध्यक्ष डम्बर गिरी नेकपा (एकीकृत समाजवादी) प्रवेश गरेका छन् ।

एमालेको युवा संघको पूर्व जिल्ला अध्यक्षसमेत रहेका गिरीले गत निर्वाचनमा झापा क्षेत्र नं. ३ बाट प्रतिनिधिसभामा स्वतन्त्र उम्मेद्बारी दिएका थिए । उनले झापामा एमालेले राप्रपासँग तालमेल गरेपछि आपत्ति जनाउँदै एमालेबाट बिद्रोह गरेका थिए ।

उनले आफ्नो फेसबुकमा लेखेका छन् ‘आज मिती २०७९ चैत्र ११ गतेदेखि मेरो आफ्नो कम्युनिस्ट पार्टीको सदस्यता नेपाल कम्युनिस्ट पार्टी एकीकृत समाजवादीमा नविकरण गरेको घोषणा गर्दछु । नेपालको कम्युनिस्ट आन्दोलनलाई ठीक ढंगले अगाडि बढाउनका लागि यो पार्टी नै आजको दिनमा सर्वाधिक उपयुक्त मंच हो । नेपालका सम्पूर्ण कम्युनिस्ट क्रान्तिकारीहरूलाई समेत नेकपा ९एकीकृत समाजवादी० मा समाहित भई नेपालको कम्युनिस्ट आन्दोलनको पुनर्गठनको अभियानमा सामेल हुन आह्वान समेत गर्दछु ।’