आईसीसी विश्वकप लिग २ मा आज नेपालले यूएईसँग खेल्दै, सन्दिप लामिछाने मैदान उत्रिने

काठमाडौं । आईसीसी विश्वकप लिग २ त्रिकोणात्मक सिरिज अन्तर्गत नेपालले आज घरेलु टोली यूएईसँग खेल्दैछ । दुबई इन्टरनेशनल क्रिकेट स्टेडियममा हुने खेल बिहान पौने ११ बजे सुरु हुनेछ ।

नाबालिका बलात्कार आरोप लागेका सन्दिप लामिछानेलाई सर्वोच्च अदालतले विदेश जान अनुमति दिएसँगै उनी हिजै यूएई पुगिसकेका छन् । सन्दीपले मौसम ढकालको स्थान लिएका छन् । प्रशिक्षणका क्रममा मौसम घाइते भएपछि उनको स्थानमा सन्दीपलाइ पठाईएको हो ।

युएईविरुद्धको खेलमा आज लेग स्पिनर सन्दीप लामिछाने मैदान उत्रने सम्भावना बलियो छ । युएईमा जारी सिरिजमा पनि नेपालले पपुवा न्यु गिनीलाई हराउँदै लिग २ मा लगातार पाँचौ जित दर्ता गराएको थियो ।

लिग २ को पछिल्ला ५ खेलमा अपराजित रहेको नेपाली टोली उच्च मनोबलमा छ । नेपालले यसअघि घरेलु मैदानमा भएको स्कटल्यान्ड र नामिबिया सम्मिलित त्रिकोणात्मक सिरिज क्लीन स्वीप गरेको थियो । उता घरेलु टाृली युएई भने घरेलु मैदानमा सुरु सिरिजको पहिलो खेलमा पीएनजीसँग पराजित भएको थियो । लिग २ का पछिल्ला २ हखेलमा युएईले हार भोगेको छ ।

पछिल्लो समय खराब ब्याटिङबाट गुज्रिरहेको नेपालका ब्याटरहरुले एकपछि अर्को सम्झन लायक प्रर्दशन गरिरहेका छन् । मुख्य प्रशिक्षक मोन्टी देशाईले टोली सम्हालेपछि नेपालको ब्याटिङ समस्या सुधारिएको देखिएको छ । पछिल्ला ५ वन डे खेलमा युएईले ३ र नेपालले २ खेलमा जित निकालेका छन् ।