पुनः अघि बढ्ने भयो निर्मला पन्त हत्या प्रकरण, बन्यो अर्काे समिति

काठमाडौं । लामो समयसम्म पनि कञ्चनपुरकी बालिका निर्माला पन्तको हत्यामा संलग्न व्यत्तिःको पत्ता लाग्न नसकिरहेका बेला निर्मला हत्या प्रकरणमा अनुसन्धानका लागि फेरि नयाँ समिति गठन भएको छ । गृहमन्त्रीको कार्यभार सम्हाल्दा नै लामिछानेले निर्मला पन्तको न्यायका लागि अधिकतम पहल गर्ने निर्णयमा हस्ताक्षर गरेका थिए ।

प्रहरी महानिरीक्षक धीरजप्रताप सिंहले बलात्कारपछि हत्या गरिएकी कञ्चनपुरको उल्टाखामकी किशोरी निर्मला पन्तबारेको अनुसन्धानबारे उपप्रधान तथा गृहमन्त्री रवि लामिछानेलाई ब्रिफिङ गरेका थिए । उपप्रधान एवं गृहमन्त्री रवि लामिछानेको निर्देशनका आधारमा अनुसन्धानका लागि प्रहरी प्रधान कार्यालय, नक्सालले नयाँ अनुसन्धान समिति गठन गरेको हो ।

१० साउन २०७५ मा कञ्चनपुरको भीमदत्त नगरपालिका २, उल्टाखामकी १३ वर्षीया बालिका निर्मला पन्तको शव भेटिएको थियो । कक्षा ९ मा पढ्ने बालिका निर्मलाको बलात्कारपछि हत्या भएको अनुसन्धानबाट देखिएको थियो ।

प्रहरीले घटनाको २५ दिनपछि मुख्य आरोपीका रुपमा स्थानीय दिलीपसिंह विष्टलाई सार्वजनिक गरेको थियो । तर, स्थानीयले उनी मानिसक रोगी भएको दाबीसहित घटनामा संलग्न हुन नसक्ने बताउँदै आन्दोलन चर्काएका थिए । त्यसक्रममा प्रहरीको गोली लागेर एकजनाको मृत्यु पनि भएको थियो ।

तत्कालीन अनुसन्धान अधिकृतहरुले निर्मलाको ‘भजाइनल स्वाब’ प्रहरीको केन्द्रीय विधि विज्ञान प्रयोगशालामा पठाएका थिए । त्यसबाट निकालिएको डीएनएसँग निर्मलाको डीएनए म्याच नभएपछि २६ भदौमा उनी छुटेका थिए ।

हालसम्म प्रकरणमा प्रहरीले ११५ जना शंकास्पदको डीएनए जाँच गरेको छ । तर कोहीसँग म्याच भएन । तत्काली प्रहरी महानिरीक्षक सर्वेन्द्र खनालको कार्यकालको अन्तिममा विष्ट नै आरोपी भएको निष्कर्षसहित उनलाई पुनः नियन्त्रणमा लिने प्रयास भएको थियो ।

निर्मलाकी आमाले दुर्गादेवी विष्टविरुद्ध किटानी जाहेरी पनि दिएकी थिइन् । तर, घटना गिजोलिएको भन्दै थप आधारविना उनलाई पक्राउ गर्न नसकिने निष्कर्षसहित अनुसन्धान अधिकृतहरुको टोली पछि हटेको थियो ।

गृहमन्त्रीको निर्णय कार्यान्वयनका क्रममा प्रहरी प्रधान कार्यालय, नक्सालले केन्द्रीय अनुसन्धान ब्यूरो (सीआईबी) की प्रहरी नायब महानिरीक्षक (डीआईजी) दुर्गा सिंहको नेतृत्वमा पाँच सदस्यीय छानबिन समिति गठन गरेको हो । समितिमा ब्यूरोका प्रहरी उपरीक्षक (एसपी) कमल थापा, प्रहरी निरीक्षक (इन्स्पेक्टर) धिरेन्द्र रोकाया, मनोचिकित्सकसहितका सदस्यहरु छन् ।

सिंह प्रहरी उपरीक्षक (एसपी) हुँदा पनि कञ्चनपुर पुगेर निर्मला हत्या प्रकरणको अनुसन्धानमा खटिएकी थिइन् । अन्य सदस्यहरु पनि यसअघि घटनाको अनुसन्धानमा संलग्न अधिकृतहरु हुन् ।

ब्रिफिङमा सहभागी एक अधिकृतका अनुसार त्यसक्रममा अधिकृतहरुले डीएनएमा मात्र भर पर्दा अनुसन्धान अलपत्र परेको बताएका थिए । उनीहरुले अहिलेसम्मको वस्तुस्थिति बताउँदै फेरि नयाँ शिराबाट अनुसन्धान थालिएको बताएका थिए ।

प्रहरी स्रोतका अनुसार हालसम्म प्रकरणमा प्रहरीले ११५ जना शंकास्पदको डीएनए जाँच गरेको छ । तर कोहीसँग म्याच भएन । तत्काली प्रहरी महानिरीक्षक सर्वेन्द्र खनालको कार्यकालको अन्तिममा विष्ट नै आरोपी भएको निष्कर्षसहित उनलाई पुनः नियन्त्रणमा लिने प्रयास भएको थियो ।

निर्मलाकी आमाले दुर्गादेवी विष्टविरुद्ध किटानी जाहेरी पनि दिएकी थिइन् । तर, घटना गिजोलिएको भन्दै थप आधारविना उनलाई पक्राउ गर्न नसकिने निष्कर्षसहित अनुसन्धान अधिकृतहरुको टोली पछि हटेको थियो ।

प्रहरी अधिकृतहरुको ब्रिफिङ सुनेपछि उपप्रधान एवं गृहमन्त्री लामिछानेले घटनालाई तथ्यगत प्रमाणका आधारमा टुंगोमा पुर्याउन निर्देशन दिएका छन् । उनले भनेका छन्, ‘यसका लागि तपाईंहरुलाई जुनसुकै सहयोग गर्न तयार छौं ।’