जाजरकोट दुर्घटना अपडेट : मृतकको संख्या ११ पुग्यो (मृतकको नामसहित)

जाजरकोट । जरकोटको छेडागाड नगरपालिकामा जिप दुर्घटना हुँदा मृत्य हुनेको संख्या ११ जना पुगेको छ । मृत्यु हुनेमा चालकसमेत छन् । 

जाजरकोटको छेडागाड नगरपालिका वडा नम्बर ४ र ५ को बीचमा पर्ने भीरबाटी भन्ने ठाउँमा जिप दुर्घटना हुँदा ११ जनाको मृत्यु भएको हो भने १ जना घाइते भएका हुन् । जन्ती बोकेको जीप जाजरकोटमा आइतबार दिउँसो साँढे ४ बजे जीप दुर्घटना हुँदा ११  जनाको मृत्यु भएको छ ।

दुर्घटनामा घटनास्थलमै ९ जनाको मृत्यु भएको र २ जनालाई उपचारका लागि अस्पताल लैजाने क्रममा बाटोमै मृत्यु भएको हो । सो दुर्घटनामा परी घाइते भएका डागाड नगरपालिका–५ का जैमान अधिकारीलाई उपचारका लागि सुर्खेत पठाइएको छेडागाड नगरपालिकाका मेयर रत्नबहादुर खड्काले बताए ।

कर्णाली प्रदेश २००१ च ०४२९ नम्बरको जीप छेडागाड नगरपालिका वडा न ४ र ५ को बीचमा पर्ने भिरपाटीमा सडकबाट तल खस्दा ११ जनाको मृत्यु भएको स्थानीय स्वास्थ्य चौकीमा कार्यरत नगरपालिकाका अबेह जयहादुर थापाले जानकारी दिए ।

ज्यान गुमाउनेहरू

मानबहादुर राउत, भगवती माई गाउँपालिका-२, दैलेख

वीरेन्द्र केसी, भगवती माई गाउँपालिका-३, दैलेख

अम्बरबहादुर खड्का, भगवती माई गाउँपालिका-३, दैलेख

वीरबहादुर खत्री, छेडागाड नगरपालिका-६, जाजरकोट

जयकुडा बुढा, छेडागाड नगरपालिका-५, जाजरकोट

नैनसरा अधिकारी, छेडागाड नगरपालिका-५, जाजरकोट

रामबहादुर बुढा, छेडागाड नगरपालिका-५, जाजरकोट

दीपक अधिकारी, छेडागाड नगरपालिका-५, जाजरकोट

देवीसरा बुढा, छेडागाड नगरपालिका-५, जाजरकोट

अम्बर अधिकारी, छेडागाड नगरपालिका-५, जाजरकोट

निशा अधिकारी, छेडागाड नगरपालिका-५, जाजरकोट