१८ करोडको ३० प्रतिशत ‘घुस राष्ट्र बैंकका अधिकारीले डोल्मासँग पनि मागेको थियो’

काठमाडौं । अर्थमन्त्री जनार्दन शर्माले केहीदिन अघि सार्वजनिक कार्यक्रममै नेपाल राष्ट्र बैंकका संचालक समिति सदस्यले नै ३० हजार डलर घुस मागेको सार्वजनिक गरेपछि, गभर्नर महाप्रसाद अधिकारी निलम्बनमा परे ।

के साँच्चै राष्ट्र बैंकका अधिकारीहरुले विदेशबाट नेपाल भित्रिने रकममा घुस बार्गेनिङ् गर्छन् त ? केही वर्ष अघि मात्रै गायीका आनी छोइङ डोल्मासंग पनि  १८ करोडको ३० प्रतिशत ‘घुस मागेकाे खुलाशा भएकाे छ ।

उनले हङकङमा गीत गाएरै वर्षौंसम्म जम्मा गरेको करिब १८ करोड नेपाली रुपैयाँ एकै साथ नेपाल ल्याउन खोजेकी थिइन् । तर, राष्ट्र बैंकका उच्च अधिकारीले बार्गेनिङ गरेर रकम भित्रिन नदिएको उनको आरोप थियो

लामो समयसम्म आफूले चीनमा रहँदा गरेको कन्सर्ट र परोपकारी कार्यका लागि जम्मा भएको १६ लाख ४९ हजार ९ सय ४० अर्थात १८ करोड ३१ लाख ४३ हजार ३ सय ४० रुपैयाँ राष्ट्र बैंकले रोक्का राखेको भन्दै सञ्चार माध्यममा प्रचार गरेर राष्ट्र बैंकका उच्च अधिकारीले आनीसँग ‘बार्गेनिङ’ गरिरहेको उनले खुलाशा गरेकी थिइन् ।

आनीसँग ३० प्रतिशत रकम राष्ट्र बैंकका उच्च अधिकारीले मागेका थिए,’ राष्ट्र बैंकका एक अधिकारीले भनेका थिए,‘उहाँले त्यो रकम बरु बेसाहारा र परोपकारमा खर्च गर्छु तर घुस खुवाउँदिन भन्नु भएपछि यो प्रकरण बाहिर आएको हो ।’

सम्पत्ति सुद्धिकरण अनुसन्धान विभाग र राष्ट्र बैंकको विदेशी विनिमय विभागले समेत रोक्का गरेको रकम रोक्का नगरिएको र रोक्नु पर्ने कारण नरहेको भन्दै टिप्पणी उठाएर पठाएको भएपनि राष्ट्र बैंकका तत्कालिन डेपुटी गभर्नर चिन्तामणी सिवाकोटीले फाइल नै ड्रोयरमा लुकाएर राखिदिएका थिए ।

आनीको नाममा हङकङबाट उक्त रकम आएको मेगा बैंकले जानकारी गराएपछि राष्ट्र बैंकले २०७५ माघ २० गते सम्पत्ति सुद्धिकरण विभागलाई पत्राचार गरेको थियो ।

 राष्ट्र बैंकका उच्च अधिकारीले गायीका डोल्माको निवासमा पटक पटक विचौलिया पठाउने गरेको समेत आनीले आफू निकटहरु समक्ष बताएकी थिइन् ।

त्यतिबेला आनी भुटानबाट फर्किएको दिन राष्ट्र बैंकबाट एक विचालीया उनकै निवासमा पुगेर बार्गेनिङ गरेका थिए ।
विचौलियाहरुले गभर्नरजी, डेपुटी गभर्नर जी, सम्पत्ति सुद्धिकरणको डिजी समेतलाई मिलाउनुपर्छ भन्दै घुस माग्ने गरेका थिए ।

त्यतिबेला राष्ट्र बैंकका उच्च अधिकारीले आनीसँग ३० प्रतिशत रकम दिए मात्रै रकम निकाल्न दिने नत्र नदिने धम्की नै दिएका छन् । १८ करोडको ३० प्रतिशत रकम भनेको ५ करोड ५० लाख हुन आउँछ । यस अघि अछामका व्यापारी पृथ्वीबहादुर शाहबाट राष्ट्र बैंकका गभर्नर महाप्रसाद अधिकारीले ४ करोड कमिसन मागेको खुलासा भएकाे छ। यस्तै नेपाल राष्ट्र बैंक झण्डै ६ अर्ब ५० करोड रुपैयाँ घोटाला गरेको छ।

थप समाचार...

• शैक्षिक योग्यता नपुगेका राष्ट्र बैंकका अधिकारी कसरी बने त ? नेपाल राष्ट्र बैंकको गर्भनर..!
  
• व्यापारी पृथ्वी शाहबाट निलम्बित 'गभर्नर' महाप्रसाद अधिकारीले ४ करोड कमिसन मागेपछि (भिडियाेसहित)
• पृथ्वी शाहलाई नेपाल राष्ट्र बैंकको फसाउने योजना, यस्तो छ नालिबेली ?
• राष्ट्र बैंकका सञ्चालक डा. सुबोधकुमार कर्णले व्यवसायीसँग ३० हजार डलर घूस मागेपछि..!