आफू निकटका सांसदहरुसँग प्रधानमन्त्री ओलीले थाले छलफल, आगामी रणनीतिबारे जानकारी गराइने

काठमाडौँ । प्रधानमन्त्री केपी शर्मा ओलीले विघटित प्रतिनिधिसभाका आफू पक्षका सांसदहरुसँग छलफल थालेका छन् । प्रधानमन्त्रीको सरकारी निवास बालुवाटारमा सुरु भएको छलफलमा ओली पक्षीय नेकपा सांसदहरु उपस्थित छन् ।

नेकपाका १७४ मध्ये ९० जना सांसदहरु प्रष्ट रुपमा ओलीविरुद्ध देखिएका छन् । आइतबार बिहान नेकपा अध्यक्ष पुष्पकमल दाहालसहित ९० जना सांसदहरुले प्रधानमन्त्री केपी शर्मा ओलीबिरुद्ध अविश्वास प्रस्ताव दर्ता गराएका थिए। ओलीले आइतबार बेलुका नै सांसदहरुलाई सोमबार बिहान बालुवाटार आउन भनेका थिए ।

आफ्नो आगामी रणनीतिबारे छलफल गर्न र जानकारी गराउन प्रधानमन्त्री ओलीले आफू निकट पूर्वसांसदहरुलाई बालुवाटार बोलाएका हुन् । उनीहरुसँग उनले अहिले परामर्श गरिरहेका छन् ।

उता नेकपा स्थायी समितिको बैठक अनुसार नेकपाका सांसदलाई भने संसदको ल्होत्से हलमा आउन निर्देशन गरिएको थियो ।