अजय देवगणका भाईको निधन

एजेन्सी । बलिउड अभिनेता अजय देवगणका भाई अनिल देवगणको सोमवार निधन भएको छ । उनको सोमबार राती मुम्बईमा निधन भएको हो । ५१ वर्षका भाईको निधन बारे अभिनेता अजय देवगणले मंगलवार दिउँसो सामाजिक सञ्जाल मार्फत जानकारी गराएका छन् ।

उनले भाइको असामयिक निधनले आफ्नो परिवार दुःखमा रहेको उल्लेख गरेका छन् । सदैव स्मरण गरिरहने उल्लेख गर्दै उनले अनिलको आत्माको चिरशान्तिका लागि प्रार्थना गर्न सबैलाई अपिल समेत गरेका छन् ।