मैले माल मागेकी हुँ तर माल भनेको सिगरेट होः दीपिका

नयाँ दिल्ली । ड्रग्स च्याट सार्वजनिक भएपछि भारतीय नार्कोटिक्स विभागको चंगुलमा फसेकी बलिउड अभिनेत्री दीपिका पादुकोणले आफूले च्याट गरेको स्वीकार गरेकी छन्। तर, आफूले च्याटमा माल भनेको ड्रग्स नभएर सिगरेट भएको बताएकी छन् ।

भारतीय सञ्चार माध्यमहरुका अनुसार नार्केटिक्स विभागसँगको बयानमा दीपिकाले माल भनेको सिगरेट भएको बताएकी छन् । विभागका अधिकारीहरुले उनीसँग २०१७ को च्याटका विषयमा प्रश्न गरेका थिए। उनीहरुले माल भनेको के हो भनेर सोधेपछि दीपिकाले यस्तो जवाफ दिएको भारतीय सञ्चार माध्यमहरुले जनाएका छन् ।

च्याट सार्वजनिक भएपछि श्रद्धा कपूर, रकूल प्रितसमेत ड्रग्स केसमा तानिएका छन् । उनीहरुमाथि पनि नार्कोटिक्स विभागले अनुसन्धान गरिरहेको छ ।

अभिनेता सुशान्तसिंह राजपुतको शंकास्पद मृत्युबारे छानविन गर्दा उनकी पूर्व प्रेमिका रिया चर्कोवर्ती ड्रग्स केसमा फसेकी थिइन्। त्यसपछि नार्कोटिक्स बिभागले बलिउडमा ड्रग्सको प्रयोगबारे अनुसन्धान शुरु गर्दा पूरै बलिउड बदनामित भइरहेको छ ।