बंगलादेशको चोकबजारमा आगलागी हुँदा ६९ जनाको मृत्यु

काठमाडौँ । बंगलादेशको राजधानी ढाकास्थित एतिहासिक नगर चोकबजारमा भिषण आगलागी हुँदा हालसम्म ६९ जनाको मृत्यु भएको बीबीसीले जनाएको छ ।

बुधबार राति एक बहुतल्ले भवनबाट सुरु भएको आगलागी पुरै बस्तीमा फैलिएको थियो ।

उक्त भवनको एउटा तलामा अति प्रज्वलनशिल पदार्थको भण्डारण रहेको र त्यसैको कारण निजकैको भवनहरुमा पनि आगोले टिपेको प्रहरीको अनुमान छ ।

बिहीबार बिहान बल्ल आगो नियन्त्रणमा आएको थियो । आगलागीको समयमा उक्त चोकमा ट्राफिक जाम भइरहेकोले पनि हताहत हुनेको संख्या धेरै भएको बताइएको छ।