अपांग व्यक्तिलाई जिल्ला भ्रमणमा पठाए वडा अध्यक्षले

धनकुटा । अपांगता भएका व्यक्तिहरुलाई समाजले नराम्रो देष्टिले हेर्ने गर्छ । तर, धनकुटा नगरपालिकाका एक वडा अध्यक्षले आफ्नो वडामा भएका अपांगता भएका व्यक्तिहरुलाई विभिन्न जिल्लाको भ्रमण गराएका छन् ।

धनकुटा नगरपालिका वडा नं. ९ का वडा अध्यक्ष मनोज राय (सन्दिप) ले आफ्नो वडामा भएका २४ जना अपांगता भएका व्यक्तिहरुलाई विभिन्न वडासँग सहयोग मागेर जिल्ला भ्रमणमा लगेका हुन् ।

५ दिने सो भ्रमणमा वडा सचिवसहितलाइ नेतृत्वमा जिल्ला भ्रमणमा पठाएका छन् । त्यसका लागि उनले आफ्नो वडाबाट ८० हजार खर्च गरेका छन् भने बाँकी रहेको १ लाख ५८ हजार रुपैयाँ चाहीँ नगरपालिकासँग सहयोग मागेर जुटाएका छन् ।

अहिले वडा सदस्य सन्तोष मगरको नेतृत्वमा गएको भ्रमण टोलीमा २७ जना अपांगहरु छन् । उनीहरुलाई सो वडाले तीन दिनमा चितवन, रुपन्देही, लुम्बिनी, पाल्पा, पोखरा, तनहुँ घुमाइसकेको छ भने विहीबार गोरखा दरवार र मनोकामना घुमाउने वडा सचिव मात्रिका तिवारीले बताए ।

‘कहिले पुग्न नसक्ने ठाउँ पुग्न पाउँदा उहाँहरु खुसी भएको पाएको छु’ उनले भने, ‘हामीले उहाँहरुलाई जतिसक्दो खुसी बनाएर फर्काउने प्रयासमा छौं ।’