अन्नबाली छाडेर खुर्सानी खेतीमा  

तनहुँ । जिल्लाको ऋषिङ गाउँपालिका १ निवासी ४५ वर्षीय रेशबहादुर आले राम्रो आम्दानी हुन थालेपछि खुर्सानी खेतीतर्फ आकर्षित भएका छन् ।

आलेले करिब दुई रोपनी जग्गामा नामधारी र अकबरे जातका खुर्सानी खेती गरेर मनग्य आम्दानी गर्न सफल भएका छन् ।

घैया धान, मकै, कोदो खेती गरेर वर्षभरिमा १० हजार पनि कमाउन धौ धौ भएकाले खुर्सानी खेतीतर्फ लागेको र यसबाट वार्षिक ८० देखि ९० हजारसम्म कमाउँदै आएको कृषक बताए । उनले अकबरे प्रतिकिलो २ सय र नामधारी १२० प्रतिकिलोमा बिक्री गर्दै आएका छन् ।