डोटीबाट धनगढीतर्फ जाँदै गरेको बस दुर्घटना ३ मृत्यु १८ घाइते

डोटी । बड्डीकेदार गाउँपालिका–२ खड्यौलीमा बस दुर्घटना हुँदा ३ जनाको घटनास्थलमै मृत्यु भएको छन भने बसमा सवार १८ जना घाइते भएका छन् ।

घाइतेलाई उपचारका लागि कैलालीको धनगढी पठाइएको छ । मृतक तीनैजना बड्डीकेदार गाउँपालिका–४ का बासिन्दा रहेको स्थानीयवासीले बताएका छन् ।

बर्छेनबाट धनगढीतर्फ जाँदै गरेको सुदूरपश्चिम यातायातको ना३ख ५६४८ नंको बस बिहिबार बिहान दुर्घटना भएको हो । बिपीनगर र घाँगलबाट उद्धारका लागि प्रहरी घटनास्थलमा पुगेको प्रहरी निरीक्षक रणबहादुर विष्टले जानकारी दिए ।