आचारसंहिता पालना नगर्नेलाई कारबाहीको दायरामा ल्याइने

नेपालगन्ज । प्रेस काउन्सिल नेपालका सदस्य संगीता खड्काले पत्रकार आचारसंहिता पालना नगर्ने सञ्चार संस्थानलाई कारबाहीको दायरामा ल्याइने बताए ।

काउन्सिलको सहकार्यमा नेपाल पत्रकार महासंघ बाँकेद्धारा शनिबार यहाँ आयोजित ‘पत्रकार आचारसंहिता पालनामा सञ्चार संस्थाको’ भूमिका विषयको अन्तक्र्रिया कार्यक्रममा उनले सञ्चार संस्था नागरिकप्रति जिम्मेवार हुनुपर्नेमा जोड दिँदै त्यसका लागि पत्रकार र सञ्चार संस्था कसैको आग्रह तथा पूर्वाग्रहमा लाग्न नहुँने बताए ।

कार्यक्रममा महासंघका जिल्ला अध्यक्ष ठाकुरसिंह थारु, पूर्वअध्यक्षद्वय नीरज गौतम र रुद्र सुवेदी, पत्रकार कृष्ण खनाल, सकिल अहमद कादरी, आलम खान, दुर्गा रोकाय र तिलक गाउँलेले स्वतन्त्र तथा निष्पक्ष पत्रकारिता गर्नका लागि पत्रकार आचारसंहितालाई शिरोधार्य गर्नुपर्ने धारणा राख्नुभयो ।

त्यस अवसरमा काउन्सिलद्वारा प्रकाशित त्रैमासिक पुस्तिका ‘संहिता’ र वार्षिक प्रतिवेदन सहभागी पत्रकारलाई उपलब्ध गराइएको थियो ।