सिरियाको रक्कामा २५० जनाको मृत्यु

दमास्कस । सिरियाको रक्कामा अमेरिकी नेतृत्वको सेनाले गरेको हवाई आक्रमणमा परी कम्तीमा २ सय ५० जनाको मृत्यु भएको छ ।

४ दिनको अवधिमा उनीहरू मारिएको र अरु दर्जनौ घाइते भएको सिरियाको मानव अधिकारवादी संस्थाले सोमबार जानकारी दिएको छ । मारिने सवै सर्वसाधारण नागरिक रहेको पनि समाचारमा जनाइएको छ ।

सिरियन अब्जरभेटरी फर ह्युमन राइटसका अनुसार गत जुन देखि अहिले सम्म अमेरिकी नेतृत्वको हवाई आक्रमणमा परी १ हजार १ सय १७ जनाको मृत्यु भएको छ ।

मृत्यु भएकामध्ये २ सय ६७ जना बालबालिका र १ सय ६४ जना महिला रहेको पनि उक्त संस्थाले जनाएको छ ।

बेलायतमा कार्यालय रहेको यस संस्थाले स्लामिक स्टेट (आइएस) लडाकूको नियन्त्रणमा रहेको सिरियाको रक्का सहरलाई उनीहरुबाट ८५ प्रतिशत मुक्त गरिसकेको जनाएको छ ।