काभ्रेको शिखर आम्बोटेमा बोलेरो दुर्घटना हुँदा ६ को मृत्यु

बनेपा । काभ्रेको शिखर आम्बोटेमा बोलेरो दुर्घटना हुँदा ६ जनाको मृत्यु भएको छ । सो दुर्घटनामा परीअन्य ११ जना घाइते भएका छन् ।

बिहान बनेपाबाट डाँडापारि जादै गरेको बा १४ च ९५५६ नं. को बोलेरो रोशी गाउँपालिका– ३ को शिखर आम्बोटे निगालेमा दुर्घटना हुँदा ६ जनाको मृत्यु भएको हो ।

जिल्ला प्रहरी कार्यालयका प्रमुख प्रहरी उपरीक्षक सहकुलबहादुर थापाले मृतकको सनाखत हुन बाँकी रहेको बताए । उनले घटनामा ६ जनाको मृत्यु भएको र सो दुर्घटनामा परी घाइते भएका ११ जनाको उद्धारका लागि घटनास्थलमा हेलिकप्टर पुगिसकेको बताए ।

सो बोलेरो स्थाीयले दशैं मान्न रिजर्भमा लगेका थिए । अझैं पनि काभ्रोको डाँडापारीलाई सडक सञ्जालले छोएको छैन । बल्लतल्ल सडक पुगेका स्थानमा पनि रिजर्वमा मात्रै यातयातका साधन जाने गरेको छ ।