मटिहानीमा राजपाको जित

गौशाला । महोत्तरी जिल्लाको मटिहानी नगरपालिका प्रमुख र उपप्रमुख दुवै पदमा राजपा नेपाल विजयी भएको छ ।

निर्वाचन अधिकृत शम्भु गौतमका अनुसार प्रमुखमा हरिप्रसाद मण्डल र उपप्रमुख पदमा शिवोदेवी साह विजयी भएकी छन् ।

प्रमुखमा हरिप्रसाद मण्डलले ३ हजार ४०३ र उपप्रमुखमा शिवोदेवी साहले ३ हजार १७० मत ल्याएकी छन् । उनीहरुका निकटतम प्रतिद्वन्द्वी क्रमशः नेकपा एमालेका मोजिम राइनले १ हजार ५९७ र नेपाली काँग्रेसकी जुमेदा खातुनले १हजार ६४८ मत प्राप्त गरे ।