सडक दुर्घटनामा २ मृत्यु  

काठमाडौँ । गए राति तीनकुनेमा भएको सडक दुर्घटनामा २ मृत्यु भएको छ ।

कोटेश्वरबाट गौशाला जाँदै गरेको बा६१प नम्बरको मोटरसाइकल पल्टिँदा चालक ललितपुर इमाडोलका ३८ वर्षीय राजु तामाङ संगै सवार काभ्रेपलाञ्चोकका २८ वर्षीय विशाल लामाको मृत्यु भएको हो ।

दुर्घटनामा परी गम्भीर घाइते भएका तामाङ र लामालाई उपचारको क्रममा मीनभवनस्थित निजामती अस्पतालमा मृत्यु भएको महानगरीय ट्राफिक प्रहरी महाशाखाले जनाएको छ । दुर्घटनामा संलग्न सवारी साधन प्रहरी नियन्त्रणमा रहेको महाशाखाले जनाएको छ ।