सुनको मूल्य फेरि बढ्यो, कति पुग्यो आज सुनको भाउ

काठमाडौं । नेपाली बजारमा सुनको मूल्य आज फेरि बढेको छ । हिजो बिहीबार मात्रै ३ सय रुपैयाँले घटेको सुनको मूल्यमा शुक्रबार ६ सय रुपैयाँ बृद्धि हुँदै प्रतितोला ५७ हजार ८ सय पुगेको छ ।

हिजो सुन प्रतितोला ५७ हजार २ सय रुपैयाँमा कारोबार भएको थियो । त्यस्तै, शुक्रबार चाँदीको मूल्य पनि तोलामा ५ रुपैयाँ बृद्धि भएको छ ।

शुक्रबार चाँदी प्रतितोला ७ सय ९५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।