रेडक्रसलाई एम्बुलेन्स प्रदान

कञ्चनपुर । नेपाल रेडक्रस सोसाइटी कञ्चनपुर शाखालाई पूर्व मन्त्री एवं व्यवस्थापिका संसद्का सांसद रमेश लेखकले एम्बुलेन्स प्रदान गरेका छन् । 

निर्वाचन क्षेत्र विकास कोषको दश लाखमा खरिद गरिएको एम्बुलेन्स रेडक्रसलाई प्रदान गरिएको हो ।

रेडक्रसको स्थापना दिवसका अवसरमा सोमबार पूर्व मन्त्री लेखकले एम्बुलेन्स प्रदान गर्नाका साथै उद्घाटन गरेका हुन् ।

एम्बुलेन्सको उद्घाटन गर्दै उनले रेडक्रसलाई सहयोग गर्न पाउँदा खुसी लागेको बताए । सबैले परोपकारी सङ्घसंस्थालाई सहयोग गर्नुपर्ने उनले भनाई रहेको छ ।