अमेरिकामा नेपाल पत्रकार मञ्चको शाखा गठन

काठमाडौं । स्वतन्त्र पत्रकारहरुको साझा संस्था नेपाल पत्रकार मञ्चको विदेशमा पनि शाखा स्तिार भएको छ । मञ्चका केन्द्रीय उपाध्यक्ष चन्द्रमणि भट्टराईको उपस्थितीमा अमेरिकामा मञ्चको बिस्तार भएको हो ।

अमेरिकाको भर्जिनियामा शनिबार सम्पन्न भेलाले टंक न्यौपानेको अध्यक्षतामा ९ सदस्यीय कार्य समिति गठन गरेको छ ।उपाध्यक्षमा केशर कार्की, सचिवमा अशोक ढकाल र कोषाध्यक्षमा रिना शर्मा चयन भएका छन् । सदस्यहरुमा लिलादेवी ओझा, ब्रदी गौतम, भोजबहादुर मगर, इश्वर भण्डारी र निरन्त रमन घिमिरे चयन भएका छन् ।

मञ्चका केन्द्रिय अध्यक्ष युवराज बिद्रोहीका अनुसार हालसम्म नेपालमा ८ जिल्लामा शाखा गठन भइसकेको छ भने अन्य जिल्लामा पनि शाखा बिस्तारको तयारी भइरहेको छ ।