एक युवक मृत फेला  

पाल्पा । तानसेन नगरपालिका–८ मा एक व्यक्ति मृत फेला परेका छन् ।

तानसेन नगरपालिका–५ धरमपानी बस्ने ४२ वर्षीय नरसिंह विक शनिबार बिहान मृत फेला परेको जिल्ला प्रहरी कार्यालयका प्रहरी नायब उपरीक्षक रमेश पण्डितले जानकारी दिए ।

तानसेनको बाँसटारीमा तामाको भाँडा उद्योग सञ्चालन गर्दै आएका विक शुक्रबार भालेवास जाने भन्दै घरबाट निस्केको आफन्तले बताएका छन् ।

घटनाबारे अनुसन्धान थालिएको प्रहरी नायब उपरीक्षक पण्डितले बताए ।