ग्यास चुहिएर आगलागी १३ लाखको क्षति

बनेपा । बनेपा–८ स्थित करुणामार्गमा रहेको एउटा होटेलमा मंगलबार ग्यास चुहिएर आगलागी हुँदा १३ लाख बराबरको धनमाल क्षति भएको छ ।

घरधनी जुजुभाइ पोटेको घरमा रहेको इन्द्रेणी खाजा घरमा लागेको आगो घरसँग जोडिएको सम्झना कनेक्सन र न्यू फेन्सी टेलरमा समेत लागेपछि दुवै पसलमा रहेका लुगाहरु जलेर करिब ४ लाख ५० हजारको धनमाल क्षति भएको इलाका प्रहरी कार्यालय बनेपाले जनाएको छ ।

त्यस्तै, पोटेको घरका विभिन्न सामान र कुुमार श्रेष्ठको इन्द्रेणी खाजा घरको खाद्यवस्तु जलेर ८ लाख ५० हजार बराबरको क्षति भएको प्रहरी नायब निरीक्षक भक्तराज श्रेष्ठले जानकारी दिए । आगोलाई नियन्त्रणमा लिन आधा घण्टा समय लागेको थियो ।