नेपाल विद्युत् प्राधिकरणको क्षति मूल्यांकन गर्न केन्द्रीय अनुगमन टोली गठन

काठमाडौँ । सरकारले अविरल वर्षाका कारण नेपाल विद्युत् प्राधिकरणको क्षति मूल्यांकन गर्न सञ्चालक समितिका सदस्यको संयोजत्वमा केन्द्रीय अनुगमन टोली गठन गरेको छ । 

ऊर्जामन्त्री महेन्द्रबहादुर शाहीले प्राधिकरणका सम्पूर्ण संरचनामा पुगेको क्षति मूल्यांकन गर्न उच्चस्तरीय अनुगमन टोली गठन गरिएको जानकारी दिए । 

ऊर्जा मन्त्रालयमा आज बसेको प्राधिकरण सञ्चालक समितिको बैठकले चार क्षेत्रमा मुलुकलाई विभक्त गरी पूर्वाञ्चलमा सञ्चालक समिति सदस्य चेतराज जोशी, मध्यमाञ्चलमा उमेश थानी, मध्यपश्चिमाञ्चलमा चन्द्र टण्डन, सुदूरपश्चिममा भक्तबहादुर पुनको संयोजकत्वमा प्राधिकरणका उपकार्यकारी निर्देशक र स्थानीय क्षेत्रीय प्रमुखहरु, इञ्जिनियरहरु सदस्य रहेका छन् । उक्त अनुगमन टोली सोमबारदेखि नै बाढी प्रभावित क्षेत्रमा परिचालित हुनेछन् ।