सुत्केरी लिएर हिँडेको गाडी बाढीमा डुब्यो, ६ जनाको मृत्यु

गौर । रौतहटमा सुत्केरी गराउन अस्पताल लैजाँदै गरेको गाडी बाढीले डुबाउँदा ६ जनाको ज्यान गएको छ।

भारतीय नम्बर प्लेटको गाडीमा सदरमुकाम गौर लैजाँदै गर्दा राजपुर फरहदवा चौकस्थित लालबकैया नदीमा डुबेको थियो।

परोहा गाँउपालिका वडा नं ०३ लौकाहाका रामसेवक प्रसाद यादवको बुहारीलाई सुत्केरी गराउन अस्पताल लैजाने क्रममा घटना भएको प्रहरीले जनाएको छ।

मृत्यु हुनेमा चन्दन किशोर यादव, सरोजकुमार यादव, चन्दनकी श्रीमती, आमा, र छोरी रहेको स्थानीय सत्रुघन सिंहले जानकारी दिए। घटना बिहान ४ बजे घटेको थियो।