पत्रकार कोइराला क्षेत्रीय सहकारी पत्रकारिता पुरस्कारबाट पुरस्कृत

पोखरा । पत्रकार भरत कोइराला क्षेत्रीय सहकारी पत्रकारिता पुरस्कारबाट सम्मानित भएका छन् ।

पोखरा रोयल सहकारी संस्था लिमिटेडको १६औँ वार्षिक साधारणसभाको अवसरमा संस्थाका अध्यक्ष मेजर तुलसीप्रसाद गुरुङ र नेपाल बचत तथा ऋण केन्द्रीय सहकारी सङ्घ लिमिटेडका अध्यक्ष डिबी बस्नेतले शनिवार आयोजित एक कार्यक्रममा कोइरालालाई दोसल्ला ओढाइ ५ हजार ५ सय ५५ नगदसहित सम्मान गरिएको हो ।

सहकारी क्षेत्रमा उत्कृष्ट योगदान पु¥याएको भन्दै ११ हजार १ सय ११ राशिको राष्ट्रिय सहकारी पुरस्कारबाट जिल्ला सहकारी सङ्घका प्रबन्धक भोजराज घिमिरे पुरस्कृत भए । सहकारीले वर्षको उत्कृष्ट कर्मचारीका रुपमा विजया श्रेष्ठलाई ११ हजार नगदबाट पुरस्कृत गरेको छ ।

७५ वर्षभन्दा माथिका ज्येष्ठ आठजना शेयर सदस्यलाई संस्थाले मासिक ५ हजार पेन्सन वितरण गरेको छ । पेन्सन पाउने ज्येष्ठ शेयर सदस्यहरुमा वीलबहादुर गुरुङ, टीकाप्रसाद गुरुङ, डा एलियम्मा जोन, चन्द्रबहादुर गुरुङ, भेषराज ढकाल, जयबहादुर श्रेष्ठ र भगवती ढकाल रहेका छन् ।

साे सहकारी संस्थाले १ अर्ब २८ करोडको कूल कारोबार गरेको सहकारीले आव २०७३/७४ मा नेपाल सरकारलाई ९३ लाख तीन हजार आयकर बुझाएको छ । संस्थाको शेयर पूँजी १५ करोड ७४ लाख, जगेडा कोष ६ करोड ६८ लाख, निक्षेप ९२ करोड ७९ लाख तथा ९३ करोड ८९ लाख कर्जा लगानी गरेको छ ।

सहकारीले गत आवमा ५ करोड ५ लाख सञ्चालन बचत गर्न सफल भएको छ ।