नेपाली सेनाद्वारा १ हजार १ सय बिरुवा रोपियो  

पोखरा, । नेपाली सेनाको ‘गो ग्रिन अभियान’ अन्तर्गत सिद्धिबक्स गण फूलबारीको आयोजनामा बुधबार पोखरास्थित पश्चिमाञ्चल क्षेत्रीय अस्पताल परिसर र सेती दोभानमा १ हजार १ सय बिरुवा रोपिएको छ ।

सहायक वन अधिकृत नवीन विश्वकर्माले एउटा स्वस्थ मानिसका लागि २४ घण्टामा १६ किलोग्राम अक्सिजन आवश्यक हुने बताउँदै वर्षेनी बढ्दो जनसंख्याको चापलाई दृष्टिगत गरी वृक्षारोपणलाई प्राथमिकता दिनुपर्ने बताए ।

सिद्धिबक्स गणका सेनानी सुरेन्द्र कार्कीका अनुसार पश्चिमाञ्चल क्षेत्रीय अस्पताल परिसरमा १सय र सेती दोभानमा १ हजार संख्यामा अशोक, पारिजात, गुलमोहर, कपुर, निम, राजवृक्षलगायत विभिन्न जातका बिरुवा रोपिएको छ ।