संविधान संसोधन हुदैन : एमाले नेता नेपाल

रामेछाप । नेकपा एमालेका बरिष्ठ नेता माधव कुमार नेपालले प्रदेश र केन्द्रको चुनावपछि मात्रै संविधान संसोधनको कुरा गर्न सकिने बताएका छन् ।

वर्तमान समय कसरी हुन्छ निर्वाचन सम्पन्न गर्ने समय भएकाले यो समयमा संविधान संसोधनको काम गर्न नसकिने उनको भनाई छ ।

पुष्पलाल श्रेष्ठको ३९ औ स्मृतिका अवसरमा प्रेस चौतारी रामेछापले रामेछाप जिल्लाको रामेछाप नगरपालिकाको पुष्पलालको जन्मगाउँ भंगेरीमा आईतबार आयोजना गरेको पत्रकार भेटघाट कार्यक्रममा उनले मधेसका केही दलहरु चुनावसंग डराएको आरोप लगाए ।

पुर्व प्रधानमन्त्री समेत रहेका बरिष्ठ नेता नेपालले संविधान संसोधन जनताको माग नभै मधेसका केहि राजनितिक दलको मात्रै माग भएको आरोप लगाए ।

संविधान संसोधन हुने दस्ताबेज भएपनि त्यसको पनि उपयुक्त समय आउने उनको भनाई छ । दशैमा दशैकै, तिहारमा तिहारकै र होलीमा होलीकै कुरा गर्नपर्ने भन्दै उनले अहिले चुनावको बेला भएकाले चुनावकै कुरा गर्नुपर्ने बताए ।

नेता नेपालले अबको प्रदेश र संघको निर्वाचनमा एमालेले बहुमतको शक्ति बनेर स्थायी सरकार चलाउने दाबि गरे । एमालेको सहि निति विचार र कार्यक्रमका कारण जनताले मत दिएर ठुलो पार्टी बनाएको उनको भनाई छ ।

यसैबिच नेता माधव कुमार नेपालीको गाडिको शिसा फुटाएको आरोपमा नेपाली काँग्रेसका २ कार्यकर्तालाई अनुसन्धान गर्न प्रहरीले नियन्त्रणमा लिएपछि काँग्रेसले त्यसको बिरोध गरेको छ ।

नेपाली काँग्रेस रामेछाप नगर समन्वय समितिले बिना प्रमाण आफ्ना दुई जना कार्यकर्ता सागर कुमार श्रेष्ठ र मनोज श्रेष्ठलाई प्रहरीले समातेको भन्दै प्रेस विज्ञप्ती मार्फत आपक्ति जनाएको हो ।

बरिष्ठ नेता नेपालको बा ५ च २७५० नम्बरको गाडि पार्किङमा राखेको ठाउँमा शनिबार राति ८ बजे एक्कासी पछाडीको शिसा फुटेपछी रामेछाप बजारमा त्यसैको बिषयमा आइर्बतबार बिहान तनाव समेत उत्पन्न भएको थियो ।

यसका बारेमा प्रहरीले भने अनुसन्धान भैरहेको जनाएको छ । काँग्रेसले भने जुन पार्टीको नेता आउदा पनि सबैले स्वागत सत्कार गर्ने रामेछाप बजारमा एमालेले बिना कारण आरोप लगाई असान्त रामेछाप बजार बनाउने काम गरेको आरोप लगाएका छन् ।तामाकाशी खबर बाट साभार