जेसिज भवनमा आगलागी

राजविराज, । सप्तरीको राजविराजमा रहेको राजविराज जेसिज भवनमा मंगलबार बिहान आगलागी  भएको छ ।

सो आगजनीबाट भवनमा क्षति हुनका साथै कार्यालयभित्र रहेका ६वटा प्लास्टिकका कुर्सी जलेर नष्ट भएको सप्तरीका प्रहरी नायब उपरीक्षक यादवराज उप्रेतीले जानकारी दिए । साथै, सो भवनको केही सिसासमेत फुटेको प्रहरीले बताएको छ ।

आगो कसले र किन लगाएको भन्ने खुल्न नसकेको र जेसिज भवनमा आगो लगाउने दोषीमाथि कडा कारबाही हुने प्रहरी नायब उपरीक्षक उप्रेतीले बताए ।