बसको ठक्करबाट दुईको मृत्यु

चितवन । चितवनको भण्डारामा बसको ठक्करले २ जनाको मृत्यु भएको छ ।

काठमाडौँबाट वीरगन्ज जाँदै गरेको ना ६ ख ९०११ नं.को बसले ठक्कर दिँदा राप्ती–५ बस्ने ४५ वर्षीय लाटो भनिने माहिला तामाङ र ४० वर्षीया ठूलीमाया भनिने फूलमाया लोक्चनको मृत्यु भएको हो । उनीहरुको अस्पताल लैजादै गर्दा बाटोमा मृत्यु भएको प्रहरीले जनाएको छ ।

ठक्कर दिने बस र चालकलाई प्रहरीले नियन्त्रणमा लिएको छ ।