सहिदभुमीको खोकुमा घुम्ति शिविर सम्पन्न

धनकुटा । धनकुटाको सहिदभूमि गाउँपालिकाले शुरु गरेको एकीकृत घुम्ती शिविर अन्तर्गत शुक्रबार वडा नं. ४ खोकु घुम्ति शिविर सम्पन्न भएको छ ।

सो घुम्ति शिविरको सहिदभुमी गाउँपालिका वडा नं. ४ का वडाका वडाध्यक्ष मीनबहादुर राईले पशुपंन्क्षीमा लाग्ने महामारीजन्य रोग नियन्त्रण तथा रोगथामका लागि आवश्यक पर्ने औषधी वितरण गरेर उद्घाटन गरे । सो शिविरमा वडा सदस्य विनोद राई, वडा सचिव राजेन्द्र राई, सहिदभुमी गाउँपालिकाको पशु शाखा प्रमुख नगेन्द्र पौडेल, स्वास्थ शाखा प्रमुख फकिर महोमद लगायतको सहभागिता रहेको थियो ।

खोकुमा भएको सो शिविरमा ८४ घरघुरी किसानले आफ्ना पशुपंक्षीको परिक्षण गराउनुका साथै औषधी उपचार गराएका छन् । १२० जना सेवाग्राहीले स्वास्थ्य जाँच गराएका छन् ।

सो शिविरमा ५४ वटा गाईगोरु, १७ वटा भैसी, ४७० वटा बाख्रा, ८० वटा बंगुर र १ हजार ९८ वटा कुखुराको जाँच गरी महामारी जन्य औधषीहरु वितरण गरिएको थियो । पशु शाखा प्रमुख नगेन्द्र पौडेलका अनुसार आज २० वटा कुकुर र ३ वटा बिरालोलाई रेविज विरुद्धको खोप पनि लगाइएको छ ।

सो शिविरमा १२० जना सेवाग्राहीले स्वास्थ्य जाच गराएकामध्ये ११ जनाले इसिजी गराएका छन् । त्यस्तै ६१ जनाले आँखाको जाँच गराएका छन् भने २३ जनाले सुगर परिक्षण गराएका छन् । सो शिविरमा ६ जना महिलाले पाठेघरको मुखको क्यान्सरको जाँच गराए भने ६ जनाले रिङ प्रेसर लगाएका छन् । आज २ जनालाई अपांगता परिचय पत्रसमेत वितरण गरिएको छ ।