नेपाल किसान महासंघ धनकुटाको अध्यक्षमा पुनः दिलकुमार राई चयन

धनकुटा । नेपाली कांग्रेस निकटको नेपाल किसान महासंघ धनकुटाको चौथौ जिल्ला अधिवेशनले दिलकुमार राईको अध्यक्षतामा १९ सदस्यीय नयाँ कार्य समिति चयन गरेको छ ।

सो जिल्ला अधिवेशनबाट उपाध्यक्ष टेकबहादुर यांखा, सचिवहरुमा गोकुल लुईटेल, भोगेन्द्र कार्की, कोषाध्यक्ष कमला लिम्बु र सदस्यहरुमा प्रेम कार्की, गजेन्द्र राई, शान्ति राई, नगेन्द्र राई, गोविन्द्र वस्नेत, चित्रखर पौडेल, सरिता कटुवाल, लालबहादुर तामाङ, सर्मिला राई, खगेन्द्र महत र लक्ष्मी काफ्ले निर्विरोध निर्वाचित भएको निर्वाचन समितिका संयोजक विजय सन्तोषी राईले बताए ।

यसैगरी केन्द्रिय प्रतिनिधिमा पदमबहादुर महत, पदम राई र ईन्दिरा भूजेलले निर्वाचित भएका छन् भने प्रदेश महाधिवेशन प्रतिनिधिमा प्रदेश सभा क बाट सिता राना, बखत भट्टराई, दुर्गाबहादुर विष्ट र प्रदेश सभा ख बाट भिष्मराज गुरुङ, राजकुमार राई र इन्द्रकुमारी राई लगायत १५ सदस्यीय निर्वाचित भएका छन् ।

त्यसैगरी नेपाल किसान महासंघ धनकुटाको दुवै प्रदेश सभाको क्षेत्रिय अधिवेशनबाट क्षेत्रीय कार्य समिति समेत निर्वाचित गरेको छ । उक्त प्रदेश सभा क्षेत्रीय अधिवेशनबाट प्रदेश सभा क को नेपाल किसान महासंघको प्रदेश सभा क्षेत्रीय अध्यक्षमा मेघराज थापा, उपाध्यक्षहरुमा चन्द्रकुमारी थापा र लक्ष्मण राई, सचिव भुवन साम्पाङ र सदस्यहरुमा रमा दाहाल, पवित्रा कुमारी कार्की, बिमला देवी भण्डारी, गजेन्द्र राई, कुमार बुढाथोकी, देवेन्द्र चाम्लिङ, हर्क ठोक्कर, इन्द्रबहादुर राई, ऐनमान राई, घनश्याम न्पौपाने लगायत १५ सदस्यीय निर्वाचित एको महासमिति सदस्य दुर्गा सुवेदीले बताए ।

यसैगरी प्रदेश सभा ख को अध्यक्षमा रोहित थापा, उपाध्यक्ष हर्कबहादुर राई, सचिव सिता लुंगेली र सदस्यहरुमा दिलकुमारी राई, रामजी भण्डारी, तुलसी खड्का निर्विरोध निर्वाचित भए । यस्तैगरी धनकुटा नगर कार्य समिति पनि चयन भएको छ । जसको अध्यक्षमा गोविन्द्र श्रेष्ठ र सुजन राई सचिव रहेको १५ सदस्यीय नगर कार्य समिति चयन गरेको छ ।

उक्त अधिवेशनको उद्घाटन नपाली काग्रेस धनकुुटाका जिल्ला सभापति दिनेश राई, पूर्व केन्द्रिय आमन्त्रित सदस्य तथा संविधानसभा सदस्य मनोहर नारायण श्रेष्ठ, नेपाल किसान महासंघका केन्द्रिय सदस्य बिमन पराजुलीले विरुवामा पानी लगाई संयुक्त रुपमा उद्घाटन गरेका थिए ।