कमलपोखरीमा ग्यास विष्फोट हुँदा ११ जना घाइते, १ जनाको अवस्था गम्भीर

काठमाडौं । काठमाडौँको कमलपोखरीस्थित शानदार मस्ममा ग्यास विस्फोट हुँदा ११ जना घाइते भएका छन् ।

आज बिहान पौने ९ बजेको समयमा विष्फोट हुँदा ११ जना घाइते भएका छन् । घाइते सबैको उपचार भइरहेको छ । घाइतेमध्ये एक जनाको अवस्था गम्भीर छ । उदयपुरका २४ वर्षीय संजोग मगर गम्भीर घाइते भएको प्रहरीले जनाएको छ । घाइतेहरुमध्ये पाँच जनालाई कीर्तिपुरको बर्न अस्पतालमा लगिएको छ ।

सिलिण्डर विष्फोटपछि घरको सिलिङ भत्किएर खसेको छ । त्यहाँ प्रहरीले खोजी कार्य जारी राखेको जनाएको छ । घटनास्थलमा नेपाल प्रहरीको विपद् व्यवस्थान टोली र मालीगाउँ प्रहरीको टोली खटिएको छ ।