डडेल्धुरामा असामान्य अवस्थामा भेटियो चितुवा

धनगढी । डडेल्धुरामा असामान्य अवस्थामा भेटिएको चितुवा नियन्त्रणमा लिइएको छ। जिल्लाको अमरगढी नगरपालिका–१ ढुन्ढुने बजारमा दिउँसै चितुवा देखिएपछि नियन्त्रणमा लिइएको हो।

उक्त चितुवा मङ्गलवार दिउँसो २ बजेको आसपास देखिएको सूचना डिभिजन वन कार्यालय, डडेल्धुराले पाएपछि चितुवालाई नियन्त्रणमा लिएको छ। चितुवालाई बेलुका ५ बजेको समयमा स्थानीय र प्रहरीको सहयोगमा उद्वार गरिएको हो। चितुवाको अवस्था केही असामान्य देखिएको वन कर्मचारीहरूले बताएका छन। चितुवाले मन्द विषादी खाएको हुनसक्ने आशँका गरिएको छ।