टीकापुर र धनगढीबाट भन्सार छलीका सामान बरामद

धनगढी । कैलालीको धनगढी र टीकापुरबाट भन्सार छलीका सामान नियन्त्रणमा लिइएको छ। प्याज,बिभिन्न प्रकारको धागो, हुक, पटका, बुक्रम, चेन,सिलाई मेसिनमा हाल्ने तेल,गेडिस, सिद्रा माछा, मोटरसाईकल थान–१ लगायतका सामान जिल्ला प्रहरी कार्यालय कैलाली र इलाका प्रहरी कार्यालय टीकापुरबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको हो। यसरी अबैंध रुपमा फेला पारिएको सामान अन्दाजी मूल्य १ लाख ९७ हजार ५० रुपैया बराबरको सामान नियन्त्रणमा लिइएको हो।
धनगढी उपमहानगरपालिका–७ सरस्वती स्कुल नजिक र टीकापुर नगरपालिका–९ भिउटावर स्थित नदी छेउबाट अबैंध रुपमा भारतबाट भन्सार छली गरिएको सामान नियन्त्रणमा लिइएको हो।