एकीकृत समाजवादी कर्णालीको अध्यक्षमा पुरी चयन

सुर्खेत । नेकपा (एकीकृत समाजवादी) कर्णाली प्रदेश प्रदेश अध्यक्षमा ठगेन्द्रप्रकाश पुरी चयन भएका छन् ।

दुई दिनसम्म चलेको प्रथम अधिवेशनले पुरीको नेतृत्वको १ सय ४१ सदस्सीय प्रदेश कमिटी सर्वसम्मत निर्वाचित गरेको हो । सचिवमा कालिकोटका धीरबहादुर विष्ट, उपसचिव (महिला) मा धनकुमारी जिसी (शाही) र सदस्यहरू पनि सर्वसम्मत चयन भएका छन् ।

प्रदेश कमिटीको उपाध्यक्ष २ जना र उपसचिव २ जना मनोनीत हुन बाँकी छ । सहमतिकै आधारमा नेतृत्व चयन गर्ने क्रममा अधिवेशन एकदिन लम्बिएको थियो । अधिवेशनको अध्यक्ष माधव नेपालले उद्घाटन गरेका थिए ।