बागलुङको छिस्तीमा भ्यान दुर्घटना हुँदा ५ जनाको मृत्यु, १ जनाको जिवितै उद्धार

बागलुङ । बागलुङमा पिकअप भ्यान दुर्घटना हुँदा ५ जनाको मृत्यु भएको छ । बागलुङको जैमिनी नगरपालिका–८ छिस्तीबाट बागलुङ बजार आउँदै गर्दा उक्त भ्यान दुर्घटनामा परेको हो ।

उक्त पिकअप भ्यान जैमिनी–७ जैदीको व्यार्थला नजिकै आज बिहान दुर्घटना हुँदा चालकसहित पाँच जनाको मृत्यु भएको हो । भ्यानमा चालकसहित ६ जना सवार थिए । त्यसमध्ये ६ जना सवार भ्यानमा गम्भीर घाइते भएका एक जनाको जीवितै उद्धार गरिएको छ । उनलाई थप उपचारका लागि धौलागिरी अस्पताल बागलुङ ल्याइएको छ । उनको धौलागिरी अस्पतालमा उपचार भइरहेको छ ।

ग२च ९२४७ ‘पिकअपभ्यान’ सडकदेखि ४ सय मिटरभन्दा तल खसेको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिए । घटनामा मृतकको पहिचान खुलिसकेको छैन ।