अछामको तुर्माखाँदमा पहिरोमा पुरिँदा एकै घरका ३ जनाको मृत्यु, १ जना घाइते

अछाम । अछामको तुर्माखाँद–२ भुलुमा आइतबार राति पहिरोमा पुरिँदा एकै घरका ३ जनाको मृत्यु भएको छ । एक जनाको भने जिवितै उद्धार गरिएको प्रहरीले जनाएको छ ।

आइतबार राति १ बजे अमर विष्टको घर पहिरोमा पुरिँदा उनकी भाउजु ४५ वर्षीया हरिकला विष्ट, भाइ विरेन्द्र विष्ट र भतिज १५ वर्षीय संविधान विष्टको मृत्यु भएको जिल्ला प्रहरी कार्यालय अछामका डिएसपी नारायण डाँगीले बताए ।

अमरकी ६५ वर्षीया आमा नैना विष्टको भने जिवितै उद्धार गरिएको र प्राथमिक उपचारपछि उनी सामान्य अवस्था छ । पहिरोमा पुरिएर ५–६ वटा चौपाया पनि मरेका छन् ।