भृकुटीमण्डपमा रहेको ह्वील चेयरको गोदाममा आगलागी, सबै सामान नष्ट

काठमाडौं । काठमाडौंको भृकुटीमण्डपमा रहेको ह्वील चेयरको गोदाममा बुधबार अपराह्न आगलागी भएको छ । आगोबाट गोदाममा रहेका अरु पनि सामान नष्ट भएका छन् ।

आगलागी भइरहँदा अवलोकन गर्न काठमाडौं महानगरपालिकाका मेयर बालेन्द्र शाह पनि भृकुटीमण्डप पुगेका थिए । मेयर शाहले घटनास्थल पुगेर घटनाको क्षतिबारे जानकारी लिएका थिए ।

आगलागीबाट मानवीय क्षति भने नभएको बताइएको छ । बुधबार साँझ ५ बजेपछि मात्रै आगो नियन्त्रणमा आएको थियो । प्रत्यक्षदर्शीहरूका अनुसार आगो अन्यत्र फैलिएर क्षति गर्न भने पाएन । घटनाबाट कतिको क्षति भयो भनेर यकिन गर्न नसकिएको काठमाडौंका प्रमुख प्रहरी वरिष्ठ उपरीक्षक बोहराले बताए ।