बढ्यो पेट्रोलियम पदार्थको मुल्य, खाना पकाउने ग्यासको मूल्य भने यथावत

काठमाडौं । नेपाल आयल निगमले पेट्रोल, डिजेल, मट्टितेल र आन्तरिकतर्फको हवाइ इन्धनको मूल्यवृद्धि गरेको छ । खाना पकाउने ग्यासको मूल्य भने यथावत छ ।

सोमबार साँझ आयल निगमले एक विज्ञप्ति प्रकाशित गरी पेट्रोलमा प्रतिलिटर २ रुपैयाँ, डिजेल र मट्टितेलमा प्रतिलिटर ९ रुपैयाँ र आन्तरिकतर्फको हवाइ इन्धनमा प्रतिलिटर ५ रुपैयाँ मूल्यवृद्धि गरेको हो ।

सोमबार राति १२ बजेदेखि पेट्रोलको मूल्य प्रतिलिटर १८१, डिजेल र मट्टितेलको मूल्य प्रतिलिटर १७२ र आन्तरिकतर्फको हवाइ इन्धनको मूल्य प्रतिलिटर १९० पुगेको छ ।

दिउँसो मात्रै निगमले पेट्रोलियम पदार्थको खपत रोक्नेगरी १० बुद्धे सुझाव पेश गरेको थियो । त्यसलगत्तै निगमले पेट्रोलिय पदार्थमा मुल्य वृद्धि गरेको हो ।