धनकुटाको पाख्रिवास नगरपालिकामा प्रमुखमा कांगेस र उपप्रमुखमा एमाले विजयी

धनकुटा । धनकुटाको पाख्रिवास नगरपालिकाको प्रमुखमा सत्ता गठबन्धन र उपप्रमुखमा नेकपा एमालेका उम्मेदवार विजयी भएका छन् । २०७४ सालमो भएको स्थानीय तहको निर्वाचनमा पाख्रिवासमा नेकपा एमालेले क्लीन स्वीप गरेको थियो ।

आज सम्पन्न अन्तिम मत परिणाम अनुसार ५ हजार ४ सय ९८ मत ल्याउँदै सत्ता गठबन्धनका तर्फबाट मेयरका उम्मेदवार ज्ञानबहादुर गुरुङ विजयी भएका छन् । उनका प्रतिद्धन्द्धी नेकपा एमालेका भीम राईले ५ हजार ५३ मत ल्याए । राईलाई गुरुङले ४ सय ४५ को मतले पराजित गरे ।

यता उपप्रमुखमा भने सत्ता गठबन्धनका तर्फबाट उपप्रमुख बनेका नेकपा माओवादी केन्द्रका ओम प्काश निरौला पराजित भएका छन् । नेकपा एमालेकी नम्रता देउजाले ५ हजार ६२ मत ल्याउँदा निरौलाले ४ हजार ६ सय ४१ मत ल्याए । सत्ता गठबन्धनका साझा उम्मेदवार भन्दा उेउजाले ४ सय २१ मत बढी ल्याइन् ।

पाख्रिवास नगरपालिकामा सत्ता गठबन्धनले ५ वटा र नेकपा एमालेले ५ वटा वडामा जित पारेको छ ।