थप २३९८ जनामा कोरोना संक्रमण, १२ जनाको मृत्यु

काठमाडौँ । नेपालमा पछिल्लो २४ घण्टामा थप २ हजार ३ सय ९८ जनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयका  अुनसार ७ हजार ५८ पीसीआर परीक्षणबाट १ हजार ६३९ र ३ हजार ९५४ एन्टिजेन परीक्षणबाट ७५९ जनामा संक्रमण पुष्टि भएको हो।

यस्तै पछिल्लो २४ घण्टामा थप १२ जना कोरोना संक्रमितको मृत्यु भएको छ। यससँगै नेपालमा कोरोनाबाट हालसम्म ज्यान गुमाउनेको संख्या ९ हजार ४१२ पुगेको छ।

गत २४ घण्टामा २ हजार ७८ जना कोरोना संक्रमणमुक्त भएका छन्। हाल देशभर २६ हजार २ सय ६१ जना सक्रिय संक्रमित रहेको स्वास्थ्य मन्त्रालयले जनाएको छ।