चीन प्रस्थान गरेकी राष्ट्रपति भण्डारी आज स्वदेश फर्कदै

काठमाडौं । चीनको राजधानी बेइजिङमा भएको बेल्ट एन्ड रोड (बिआरआई) फोरमअन्तर्गत गोलमेच सम्मेलनमा सहभागी हुन गत बुधबार चीन प्रस्थान गरेकी राष्ट्रपति विद्यादेवी भण्डारीआज स्वदेश फर्कदैछिन् । 

स्वास्थ्यमा समस्या देखा परेपछि उनी सम्मेलनका कार्य तालिकाभन्दा एक दिनअघि स्वदेश फिर्ता हुन लागेको प्रधानमन्त्रीका प्रेस सल्लाहकार कुन्दन अर्यालले जानकारी दिए ।

राष्ट्रपति भण्डारी सिचुवान एयरलाइन्सको विमानबाट आज बिहान साढे १० बजे स्वदेश आइपुग्ने सल्लाहकार अर्यालले जानकारी दिए । राष्ट्रपति ज्यूको स्वास्थ्यमा समस्या आएपछि आजनै स्वदेश फिर्ता हुन लागेको उनले बताए ।

बिआरआई फोरमअन्तर्गतको गोलमेच सम्मेलनमा सहभागी भई चीनको स्वशासित क्षेत्र तिब्बतको राजधानी ल्हासा भ्रमणमा पुगेकी राष्ट्रपति भण्डारी सिधै नेपाल आउने भएकी हुन् ।