राप्रपाले दियो कैलाश कटुवाललाई उपाध्यक्षको जिम्मेवारी

काठमाडौं । राष्ट्रिय प्रजातन्त्र पार्टीले राष्ट्रिय प्रजातान्त्रिक युवा संगठनको केन्द्रीय उपाध्यक्षमा कैलाश कटुवाललाई जिम्मेवारी दिएको छ ।

काठमाडौंमा भएको एक कार्यक्रममा राप्रपाका अध्यक्ष कमल थापाले उपाध्यक्षलाई कटुवाललाई युवा संगठनको उपाध्यक्षको जिम्मेवारी दिएका हुन् । कटुवाल यस अघि काठमाडौं जिल्लाको युवा संगठनको अध्यक्ष थिए ।

कटुवाललाई युवाको भवना बुझ्ने र कुशल नेतृत्वको रुपमा राप्रपा भित्र चिनिन्छ । उपाध्यक्ष कटुवालले भने आफूले युवाहरुलाई संगठित गर्दे युवाहरुको हितमा काम गर्ने प्रतिबद्धता जनाएका छन् । उनले राष्ट्रिय प्रजातन्त्र पार्टीको सिद्धान्तअनुसार हिन्दु राज्य र राजतन्त्रको पक्षमा युवाहरु परिचालन गर्ने बताए ।

युवाहरुलाई राष्ट्रियहितमा परिचालन गर्ने, राष्ट्रियताको संरक्षण गर्ने र भ्रष्टाचार र अनियमितताको बिरुद्धमा युवाहरु परिचालन गर्ने बताए । उनले समृद्ध मुलुकको लागि राजतन्त्रको आवश्यकता पनि औल्याए ।

राजा आएर देश बचाउने हैन, जनता आएर राजा ल्याउने भएकाले यसकालागि युवा संगठनले काम गर्ने बताए ।उनले चाडै संगठनलाई पूर्णता दिने र सरकारको गलत कामको देशब्यापी भण्डाफोर गर्ने बताए ।