चर्चित कलाकार निर शाहसहित आधा दर्जन कलाकार कांग्रेस प्रवेश

काठमाडौँ । नेपाली चलचित्र क्षेत्रका चर्चित कलाकार, निर्माता, निर्देशक निर शाहसहित आधा दर्जन कलाकार नेपाली कांग्रेसमा प्रवेश गरेका छन् ।

नेपाली कांग्रेसका नेता तथा पूर्वउपसभापति प्रकाशमान सिंहले सामाजिक सञ्जाल फेसबुकमा स्टाटस लेख्दै नीर शाह, धिरेन शाक्य, झरना थापा, जीवन लुइँटेल, शंकर बिसी ,पार्वती राई लगायतका कलाकार कांग्रेसमा प्रवेश गरेको जनाएका छन् । तर ती कलाकारहरु कहिले र कहाँ प्रवेश गरेका हुन भन्नेबारे उनले केही खुलाएका छैनन् । 

यसअधि तत्काले नेकपा माओवादी केन्द्रमा प्रवेश गरेका शाह पटक पटक कांग्रेस प्रवेश गर्ने चर्चा चले पनि उनी प्रवेश भने गरेका थिएनन् । नेता सिंहले नवप्रवेशी कलाकाहरुलाई बधाई दिँदै स्वागत समेत गरेका छन् । कलाकारको प्रवेशले कांग्रेसलाई थप सशक्त बनाउन सहयोग पुग्ने विश्वास समेत उनले व्यक्त गरेका छन् ।