इमरान खान बने पाकिस्तानको २२औं प्रधानमन्त्री

काठमाडौं । पूर्व क्रिकेटर एवं पाकिस्तान तेहरिक–ए–इन्साफ (पिटिआई) पार्टीका नेता इमरान खान पाकिस्तानका २२औं प्रधानमन्त्री बनेका छन् ।

पाकिस्तानको राष्ट्रिय सदनमा शुक्रबार भएको प्रधानमन्त्रीको निर्वाचनमा १ सय ७६ मतका साथ इमरान पाकिस्तानको नयाँ प्रधानमन्त्री चुनिएका हुन्। उनका प्रतिद्वन्द्वी पाकिस्तान मुस्लिम लिग(नवाज) का शहबाज शरिफले ९६ मत प्राप्त गरे ।

प्रधानमन्त्रीका लागि भएको मतदानमा बिलावल भुट्टोको पाकिस्तान पीपुल्स पार्टीले हिस्सा लिएको थिएन्। इमरान प्रधानमन्त्रीमा चुनिएपछि उनका समर्थकहरु खुशीयाली मनाईरहेका छन्।
इमरान पूर्व क्रिकेट खेलाडी हुन् । उनको राजनैतिक संस्थाले क्रिकेट ब्याटलाई चुनावी चिन्हका रुपमा प्रयोग गर्छ। अघिल्लो महिना पाकिस्तानमा भएको राष्ट्रिय चुनावमा इमरानको नेतृत्वको पार्टीले सबैभन्दा बढी सिट जितेको थियो।