४२ वर्षमा दश खर्ब डलरको धनी बन्यो एप्पल कम्पनी !

काठमाडौं । आइफोन, आइप्याडको निर्माता कम्पनी एप्पलको बजार मूल्य १० खर्ब अमेरिकी डलर पुगेको छ ।

यो मूल्यले एप्पललाई १० खर्ब अमेरिकी डलर पुर्याउने विश्वकै पहिलो निजी कम्पनी बनाएको छ । यसअघि सन् २०१५ मा ७ खर्ब डलरभन्दा अधिक मूल्ययुक्त विश्वको पहिलो कम्पनी बन्न सफल भएको थियो ।

आइफोन उत्पादक एप्पल कम्पनी स्थापनाको ४२ वर्षमा दश खर्ब डलरको कम्पनी बन्न सफल भएको हो । एप्पलको शेयर मूल्यमा उच्च वृद्धि भएको कम्पनीले सार्वजनिक गरेको रिपोर्ट अनुसार पछिल्लो तीन महिनामा एप्पलले ११ अर्ब ५० करोड मुनाफा कमाएको छ ।

यस अवधिमा एप्पलले ५३ अर्ब ३० करोड मूल्यको व्यापार गर्न सफल भएको छ । गत वर्ष एप्पलले २ सय २९ अर्ब डलरको व्यापार गर्न सफल भएकोमा झण्डै ४८ अर्ब डलर नाफा कमाएको थियो । कम्पनीको शेयर मूल्यमा सन् २०११ यता २ हजार प्रतिशतले वृद्धि भएको छ । एप्पल कम्पनीको त्रैमासिक अवधिको वित्तीय प्रतिवेदन सार्वजनिक भएको भोलिपल्टै एप्पलको शेयर मूल्य बढेर प्रतिशेयर २०७.३९ डलर कायम भएको छ ।

जसका कारण कम्पनीको कूल बजार मूल्य बढेर इतिहास नै कायम गरेको हो । सन् १९७६ मा स्थापना भएको यो कम्पनी सन् १९८० डिसेम्बर १२ मा पब्लिक कम्पनीको रुपमा शेयर बजारमा प्रवेश गरेको थियो ।

यस कम्पनीले सन् १९९८ मा आइम्याक जी थ्री र सन् २००१ मा आइपड सार्वजनिक गरेको थियो । त्यसपछि सन् २००७ मा आइफोन सार्वजनिक गरेपछि एप्पलको चर्चा विश्वभर फैलिएको थियो । सन् २०१५ मा एप्पल ७ खर्ब डलरभन्दा अधिक मूल्ययुक्त विश्वको पहिलो कम्पनी बन्न सफल भएको थियो ।

अहिले आइफोन निर्माता कम्पनी एप्पल १० खर्ब डलर मूल्य भएको विश्वकै पहिलो कम्पनी बनेको छ । कम्पनीको शेयर मूल्यमा भएको बढोत्तरीसँगै एप्पलले बिहीबार १० खर्ब डलर मूल्यको कोशेढुङ्गा पार गरेको हो ।

दोश्रो त्रैमासिक अवधिको सन्तोषजनक वित्तीय प्रतिवेदन सार्वजनिक भएको भोलिपल्टै एप्पलको शेयर मूल्य बढेर प्रतिशेयर २०७ डलर नाघेको थियो । जसका कारण कम्पनीको कूल बजार मूल्य इतिहासकै उच्च विन्दुमा पुगेको हो ।

सन् १९७६ मा स्टिभ जब्सले पर्सनल कम्प्युटर निर्माणका लागि स्थापना गरेको एप्पल स्थापनाको ४२ वर्षमा दश खर्ब डलरको कम्पनी बन्न सफल भएको हो । कम्पनीको शेयर मूल्यमा सन् २०११ यता २ हजार प्रतिशतले वृद्धि भएको छ ।

सोही वर्ष जब्सलाई प्रतिस्थापन गर्दै टिम कुक एप्पलको सीईओ बनेका थिए । एप्पलले १० खर्ब डलर मूल्य कायम गरी राखेको कीर्तिमान यसअघि कसैले पनि आधिकारिक रुपमा कायम गर्न सकेका छैनन् ।

रिपोर्ट अनुसार पछिल्लो तीन महिनामा एप्पलले ११ अर्ब ५० करोड मुनाफा कमाएको छ । यस अवधिमा एप्पलले ५३ अर्ब ३० करोड मूल्यको व्यापार गर्न सफल भएको छ । गत वर्ष एप्पलले २ सय २९ अर्ब डलरको व्यापार गर्न सफल भएकोमा झण्डै ४८ अर्ब डलर नाफा कमाएको थियो