समानुपातिकमा मोरङमा नेपाली काँग्रेस पहिलो

मोरङ । प्रतिनिधिसभाको समानुपातिकको मतगणनामा मोरङमा नेपाली काँग्रेसले पहिलो स्थान प्राप्त गरेको छ ।

सो पार्टीले मोरङको छवटै निर्वाचन क्षेत्रबाट १ लाख ६० हजार ५४६ मत प्राप्त गरी अग्रस्थान कायम गरेको हो । त्यसपछि नेकपा एमालेले एक लाख ४४ हजार ८२४ मत प्राप्त गरी दोस्रो स्थानमा रहेको छ भने नेकपा माओवादी केन्द्रले ४४ हजार ९५१ मत प्राप्त गरी तेस्रो स्थान कायम गरेको छ ।

त्यस्तै, संघीय समाजवादी फोरम नेपालले २९ हजार ३१५ मत प्राप्त गरेका छन् भने राष्ट्रिय जनता पार्टीले ८ हजार ८९७ मत प्राप्त गरेका हुन् ।

मोरङको कूल मतदातामध्ये समानुपातिकतर्फ ४ लाख ५९ हजार १७२ मत खसेकामा ४१ हजार ५७१ मत बदर भएको थियो ।